لو لم أكن طبيبا..... لوددت أن أكون طبيبا

في خضم امتحانات الثانوية العامة..والبيوت كلها مشدودة.. والطلبه كلها مشدودة... في طلبه كتييييييييييييير بتحلم بكلية الطب.

........ ياااااااااااااااااه....افتكرت ايام الشباب.. من6 سنين كنت عايش الاحساس ده....وبعد ما دخلت الكلية.. حاجات كتير ا تغيرت في دماغي.....

الوقتي بنسمع طلبه كتيير زعلانين من كلية الطب.. وأطباء كتيير مش عاجبهم المهنة.. حتى ان بعض الطلبه أنتجوا فيلم سموه جعلوني طبيبا ..يحكي مأساة الطبيب
دي لقطات من الفيلم

طالب سنه أولى

طالب سنه 3

طالب سنه 6
أنا عملت استفتاء وسألت اطباء وطلبه... بعد ما شفت الطب.. كان نفسك تشتغل ايه؟

أخي أحمد كان رده كان نفسي أكون صيدلي...

لكن محمود فرج قال كنت عاوز اي حاجة غير الطب...

وعندما سألت علي قالي:كنت عاوز أكون مهندس
محمد السيد كان رده : طبيب بيطري
الغريب د/ ياسر : ده نائب : قال كنت عاوز اطلع لعيب كورة

ومحمد رمضان قال كنت عاوز أطلع تاجر سألته اي تجارة: قال الموبايلات

لكن علاء : كان رأيه يدخل معهد موسيقى عربية

في نائب رفض ذكر اسمه : كان عاوز يكون جزار

******بصراحة حاجات غريبة.. محدش كان عاوز يشتغل طبيب

ولما سألتهم طيب تقول ايه لطالب الطب؟

علي قال - وما ظلمنهم ولكن كانوا هم الظالمين - انتو اللي عملتوا كده في نفسكم

ومحمد حسن قال - اللي امه وابوه مربهوش... كلية طب تربيه

وطبعا سألوني نفس الأسئلة وكانت اجابتي مختلفة

لو لم أكن طبيبا ...... لوددت ان أكون طبيبا

وعن رسالتي لطالب طب والأطباء

قول الامام الشافعي - الطب أشرف العلوم بعد علم الحلال والحرام

قول العز بن عبد السلام- الطب كالشرع وضع لجلب المصالح ودفع الأسقام

من أسمى المهن وانبلها هذه المهنة وحق لكم جميعا ان تفخروا انكم ابنائها:
1-مهنتك تخفف الآلام عن العباد - ومن فرج عن مؤمن كربة من كرب الدنيا فرج الله عنه بها كربة من كرب يوم القيامة

2- دراستك تدلك على عظمة الله وملكوته وقدرته

3- ترى المرضى كل يوم أمامك فتحمد الله وترى من العبر ما يجعل قلبك حيا دائما ومتصل بالله

4- الطبيب من امهر الدعاة فمهنته تدله على طرق معالجة الأسقام وهو بذلك يكون لديه الصبر والفكر لعلاج أمراض المجتمع

5- المريض يثق في طبيبه لأبعد الحدود ولو استثمر الطبيب هذه الثقة في الدعوة الى الله لكن موفقا

ألا يكفيكم ماسبق حتى وان كانت الحكومة لا تقدر مجهودكم وراتبكم ضعيف... ألا يجعلكم هذا تصبرون على صعوبة الدراسة

هل عرفتم لماذا قلت

لو لم اكن طبيبا ... لوددت ان أكون طبيبا

والنشيد اللي على المدونة هذه الأيام اهداء لكل الأطباء