راوند الأمراض الصدرية... سبحان الله

ده عم سيد اللي احنا هنتكلم عليه والدكتور وهوه بيشرح وحوليه 60 طالب

المفروض ان احنا بدأنا الأسبوع ده راوند الأمراض الصدرية.. وبشكل طبيعي توجهت الى قسم الأمراض الصدرية علشان أحضر الراوند .. وكنت صحيت متأخر فاضطررت الى التاكسي علشان ألحق الراوند... ولما وصلت .. اكتشفت ان قسم الأمراض الصدرية مفيهوش مكان جاهز للراوند .. فالمفروض الراوند يكون في قسم الأشعة....... سبحان الله..... رحت قسم الأشعة ...متوقع الاقي حجرة - زي كل راوند - فيها حولي 20 طالب ومنتظرين الدكتور..... على فكرة احنا كنا متضايقين من موضوع 20 طالب ده وبنقول العدد كبيرمينفعش كل عشرين طالب يشوفو مريض ويبدو ان ادارة الكلية سمعت كلامنا ... ولقيت في راوند الأمراض الصدرية 60 طالب وسرير في وسط القاعة... ومنظر مرعب... ازاي دكتور هيشرح الحالة ويكشف على مريض أمام 60 طالب... فعلا انتظرنا الدكتور .. وبعد فترة دخلت النائبة ومعاها عم سيد - وعم سيد لمن لا يعرفه هوه المريض اللي هنكشف عليه النهارده- قصدي ال60 طالب.....ودخل الدكتور وبدأ يشرح .. وكشف صدر عم سيد وبدأ يشرح عليه وطبعا كلنا كنا شايفين كل حاجه وسامعين كل حاجة ... وطبعا عم سيد ما كنش متضايق ومكانش عاوز يمشي..... الأدهى من ذلك ان الدكتور حاول يكتب على السبورة وجد السبورة غير جاهزة .. وكان عاوز يرسم جزء من التشريح السطحي للرئة .. فرسم بالقلم على صدر عم سيد وعم سيد كان عاوز يضرب الدكتور ويضربنا ..... وعمار يا مصر